《反斗奇兵》深受大人及小朋友歡迎，最近更與百佳超級市場合作，聯乘推出特別的週邊產品，其中以小叉為主題的迷你雪櫃，似乎相當之吸引！除了外型設計可愛之外，內層仲可以放入 3 罐汽水加 3 盒紙包飲品，仲有齊製冰、製熱功能。
想換購 迷你雪櫃 的話，就要到百佳及旗下超市購買，只要購買滿 ＄50 就可以儲一個 Toy Story 電子印花，星期五、六、日，買滿＄250 可以獲取雙倍印花，只要夠 80 個 Toy Story 電子印花 ＋ ＄295，就可以帶小叉迷你雪櫃返屋企。
計一計數，80 個印花，即係要購物滿 ＄4000（80 x 50），就算有雙倍印花計劃，都起碼要買滿 3 千幾蚊，而且最後都仲要再加＄295，就咁計條數，除非你真係好鍾意小叉，否則單以迷你雪櫃來講，真係好貴下。
其實迷你雪櫃仲有好多選擇，例如有網店正在售賣的 Aiyo0o 迷你雪櫃仔，尺寸上比小叉個部細少少，不過制冷、制熱的功能一樣齊備，而且仲有兩條電線，可以家用之餘亦可以車用，容量達 4 L，可放 6 罐可樂、啤酒 或 4 支 380 ml 樽裝水。
想知更多詳情，可到網店查詢。
